Ás 15:30 horas de hoxe (19 de novembro) o xurado composto por Melchor Balsera Maldonado (gañador da edición 2020), Jesús Basterrechea López e Begoña Gorostidi Piñón fallaron a XIIIª edición do concurso de pintura "Cidade de Narón". O galardón dotado con 3.000 €, recaeu en Andrés Gabarrés Cagiao, artista ferrolano afincado en Madrid, pola súa obra "Plastic Hotel". A obra de Gabarres foi escollida entre un total de 19 obras que pasaron á fase final do concurso e na que participaron artistas de diferentes comunidades do estado como Madrid, Navarra, Castela- León, Castela A Mancha e de diferentes lugares da nosa comunidade.

O Concurso de Pintura "Cidade de Narón", que este ano cumpre a súa XIIIª edición, estase a converter nun referentes dentro dos certames artísticos do país.

A entrega de premios realizarase o vindeiro 23 de Novembro (Dïa de Narón) ás 19:00 h. no Pazo da Cultura de Narón.